السفة المدفونة بالدجاج و التفاية

السلام عليكم ورحمة الله وبركاته

من موقع " بيتك سيدتي"  كنقدم ليكم إنشاء الله أول وصفة وللي هي السفة المدفونة بالدجاج و التفاية كتجي لذيذة بزاف 

نبداو بإذن الله

طريقة تحضير السفة المدفونة بالدجاج و التفاية

نرطبو شوية ديال العنب الابيض في الماء
نصلقو شوية لوزأو كاوكاو ونفسخوه ونقليوه و نهرمشوه
كنديرو الدجاج في الكوكوت وعليه الزيت( شوية رومية وشوية بلدية) بصلة مشلظة ملح بزار خرقوم سكينجبير شوية سمن  وضامة الزعفران الحر والربيع مربط و نترك الكل يتشحر شوية من بعد نروي غير القياس لي يطيب الدجاج باش تكون المرقة خاترة وواقفة من بعد نسدو على الدجاج يطيب
منين يطيب الدجاج نزولوه من الكوكوت ونخليوه يتسقطر تم نفرتتوه بحال إلى باغيين نديرو بسطيلة

ومن بعد ندوز نوجد التفاية
ناخدو بصلة نقطعوها على شكل هلالات رقيقة ونديروها في كاسرونة ونضيفو ليها الزبيب للي كنا رطبناه من قبل في شوية الماء نصفيه ونضيف على البصلة نضيف ملعقة صغيرة

من السمن شويت الملح شوية القرفة ونبقاونحركوحتى طيح البصلة من بعد ناخدالقليل من المرق ونضيفوها لتفايا ديالنا كنخليو على نار مهيلة عاد نضيفو ليه من بعد السكر ونتركه حتى يتعسل كيج هائل وبنين ملي نقربو نطفيوعليه نرميو راس الموس من الزبدة

 وداب التفاية واجدة والدجاج مفرتت

فهاد الاثناء كندهن السفة مزيان بالزيت ونديرها تفور 20  دقيقة  
فالتفويرة الثانية كنخوي عليها الماء طايب وهي فالكسكاس نسقطرها واحد الشوي
ونبدا نحلها بيدي فالقصعة حتى تشرب ثم نعاود هاد العملية مرة ثالثة
فاتويرة الرابعة كنديرلها واحد كاس الحليب والملح باش تجي بيضة
ونخليها تفور مرة اخيرة
كنخويها فالقصعة ونديرلها الزبدة والقليل من العسل كتجي لذيدة حسن من سكر ونحلها مزيان بيدي
فالطبسيل اللي غنقدمو فيه وبما أني بنت أسفي كيعجبني نقدم في أواني الفخارنوضع السفة ديالنا في الطبسيل وندير شوية المرق اللي خليناه عقد ودغمرونضيف فوق المرق التفاية 

ونغطي الكل بالسفة المتبقية ونزوقها بالقرفة واللوز المهرمش أو كاوكاو على حساب الرغبة ديال كل سيدة

وبالصحة والراحة سيدتي

Posted in: مطبخك سيدتي